ЕДС дел од 8-та ППЦ Комерцијална Конференција
Главниот извршен директор на ЕДС, Александар Сарџовски, присуствуваше на 8-та Комерцијална Конференција на ППЦ Групацијата, која ги обедини тимовите од сите пазари на ППЦ Групацијата под заедничката визија за иднината на корисничкото искуство и енергетските услуги.
Конференцијата беше посветена на развојот на поедноставно, подигитализирано и поперсонализирано корисничко искуство, во согласност со трансформацијата на ППЦ во современа Powertech компанија, каде што енергијата, технологијата и услугите се поврзуваат со цел создавање реална вредност за граѓаните и бизнисите.
Преку презентации, размена на идеи и практична соработка помеѓу тимовите, настанот ја потврди заедничката визија, иновациите и регионалната поврзаност во креирањето на идните енергетски решенија.
Учеството на ЕДС на конференцијата претставува уште една потврда за активната улога на компанијата во рамки на ППЦ Групацијата и нејзината посветеност кон современи, одржливи и клиентски ориентирани решенија. Со јасен фокус кон 2026 година, конференцијата испрати силна порака за иднината – создавање екосистем кој ќе им понуди на домаќинствата и компаниите попаметни алатки, подобри услуги и поефикасни енергетски решенија.