ЕДС дел од заедница која го поттикнува дигиталниот развој и иновациите
Во ЕДС веруваме дека успешната енергетска транзиција е тесно поврзана со дигитализацијата, иновациите и развојот на нови технологии. Како современа енергетска компанија, континуирано инвестираме во унапредување на услугите, подобрување на корисничкото искуство и воведување решенија кои им помагаат на компаниите поефикасно да управуваат со своите енергетски потреби.
Нашата определба е да бидеме активен учесник во процесите кои придонесуваат за развој на конкурентна и иновативна деловна средина. Преку соработка со компании, институции и професионални организации, придонесуваме кон размена на знаење, поттикнување иновации и создавање нови можности за раст и развој.
Како дел од PPC Group, една од најголемите енергетски групации во Југоисточна Европа, ЕДС останува посветен на градење модерни, одржливи и дигитално ориентирани енергетски решенија за своите клиенти.
